السيسي: “لما بنتواصل ونتكلم مش شرط نتفق ومستمرين في دعم الإصلاح السياسي”

08:01 م


السبت 06 أبريل 2024

كتب- محمد سامي ومحمد أبو بكر:

قال الرئيس عبدالفتاح السيسي: تحية اعتزاز للقوات المسلحة الذين وهبوا لمصر الأمن والأمان، وعمال مصر وفلاحيها ومثقفيها وعلمائها وصحفييها، وكل من كان بطلًا من أبطال هذا العقد.

وأضاف السيسي، خلال كلمته في حفل إفطار الأسرة المصرية: شعب مصر العظيم في الأمس القريب عاهدتكم خلال الكلمة الدستورية على رعاية مصالح الشعب والمحافظة على سلامة أراضيه، وأعاهد الله اليوم على مواصلة السعي من أجل رفعة وعزة مصر وتوفير الحياة الكريمة لشعبها والحفاظ على أمنها القومي واستقلالها وريادتها ودورها الدولي.

وتابع: “أؤكد لكم الاستمرار في تنفيذ إجراءات اصلاح المسار الاقتصادي قائمة على إجراءات توطين الصناعة، والتوسع في الرقعة الزراعية وزيادة الاستثمارات الأجنبية المباشرة، ودعم القطاع الخاص مع توفير إجراءات الحماية الاجتماعية الأولى بالرعاية، ودعم حالة الانفتاح والاصلاح السياسي الذي بدأت منذ إطلاق دعوتي للحوار الوطني، وكنا أطلقنا هذا النداء في أبريل 2022 والنهاردة حصلت على المخرجات بتوصيات ومقترحات تتعدى الـ90 توصية ومقترح، وبقول لينا كلنا اننا محتاجين إن حالة الحوار والنقاش والتواصل تستمر في كل الموضوعات اللي محتاجين نتكلم فيها ونتناولها بكل سعة صدر”.

وأكمل: “لما بدأنا الفكرة دي وفي متابعتي للحوار لقيت إننا بقى عندنا فرصة أكبر وبنتواصل بشكل أفضل وبنقدر نستوعب بعضنا البعض لأنها بقت حاجة، وخسارة كبيرة إننا منستمرش على النتائج الرائعة التي تحققت ونتكلم في كل شئ، ودائمًا لما بنتواصل ونتحدث مش شرط نتفق بس احنا ممكن نختلف وأرائنا تكون مختلفة ويتبقى التطبيق العملي وهنا عايز أقول إن المسؤولين مهم جدًا يعرضوا بيانات وحقائق قد لا تكون متوفرة أثناء النقاش مع كل اللي بيقوموا بالحوار، والموضوع المهم اللي محتاجين نتكلم فيه اننا طرحنا واتكلمنا في خلال السنتين في موضوعات كتيرة منها الاقتصادي والمجتمعي والثقافي والديني ولكن في هذه المرحلة في تحديات كتير بانت خلال الـ6 شهور اللي فاتوا”.

واستطرد: “احنا في مرحلة فيها تطور كبير جدًا وفي المرحلة دي محتاجين نتكلم مع بعض أكتر”.

ووصل منذ قليل، الرئيس عبدالفتاح السيسي لحضور حفل إفطار الأسرة المصرية 2024.