03:42 م
الخميس 06 يوليو 2023
أكد الإعلامي كريم رمزي، أن أحمد العجوز، مدير الكرة بفريق الإسماعيلي، صرح أن الهدف الذي تم إلغائه للنادي الإسماعيلي في مرمى الأهلي جاء في يد اللاعب محمد حسن بناء على اعتراف اللاعب.
كتب كريم رمزي، عبر صفحته الشخصية بموقع التواصل الاجتماعي “تويتر”: “لسه سامع كلام كابتن احمد العجوز مدير الكرة في الاسماعيلي في مداخلته مع ا محمد شبانة هو نفى بشكل مباشر انه قال معايا على القناة الأولى ان محمد حسن اخبره ان الكرة لمست ايده..
أضاف: “وفي الحقيقة اني سألته السؤال مرتين، وفي المرتين كان اجابته مباشره وواضحة، “ايوة قالي ان الكرة جت في رجله وايده، بس عادي تتحسب”.
أوضح: “بعدها دخلت الكابتن جهاد جريشة اللي كان قبل مداخلة العجوز كان قالي ان الكرة هدف، بس بعد مداخلة العجوز قالي ان بما ان اللاعب اعترف بلمسة اليد فالقانون بيقول ان كدة الهدف يبقى ملغي بشكل صحيح”.
أتم: “انا مقدر جدا الضغط اللي على الكابتن احمد العجوز واللي على كل منظومة الاسماعيلي اللي في وضع لا تحسد عليه واتمنالهم انهم يطلعوا من الوضع ده على خير.. بس في نفس الوقت مش معقول ابدا حد ينفي تصريح ليه مباشر على التلفزيون هو اللي قاله بلسانه مش منقول عنه .. دي حاجةمش منطقية مع كامل كامل احترامي ليه”.
