“قطتي حالتها خطر وحرارتها 41”.. عائشة بن أحمد تكشف عن أزمتها مع عيادة الحيوانات

07:49 م


السبت 29 يوليو 2023

كتب- مروان الطيب:
كشفت الفنانة التونسية عائشة بن أحمد عن معاناتها مع إحدى عيادات الحيوانات، وذلك عبر منشور نشرته على الأستوري في حسابها الرسمي على موقع تبادل الصور والفيديوهات “إنستجرام”.

وأوضحت “عائشة” ما حدث معها بإحدى عيادات الحيوانات قائلة: “لو سمحتوا حاولوا تسألوا كويس قبل ما تودوا كلابكم أو قططكم لأي عيادة، أنا قططتي عيانه أوي وبيتعالجوا وبايتين من 3 أسابيع في عيادة في بالم هيلز”.

واستكملت :”3 أسابيع وكل ما يقولولي انهم خفوا أرجعهم البيت تاني يوم اكتشف انهم لسه عيانين وفي كل مرة أرجعهم العيادة يكتشفوا أن عندهم مرض جديد لغاية من يومين تمام وأنهم خفوا وبعدين رجعوا في كلامهم وقالولي لا في واحد بس اللي خف والتاني لأ”.

وأضافت: “فقررت أغير العيادة عشان حسيت إن قططي مش بتتحسن وإن في استغلال مادي ونية مش كويسة لما روحت لهم منهارة وعايزة اخد القطط فجأة قالولي على فكرة هم الاتنين كويسين وكنا هنقولك تمام روحي بيهم الاتنين، أخدتهم وعملت لهم أشعة وتحاليل تانية لقيت انهم تعبانين أوي شالوا لواحد فيهم القسطرة مع إنه لسه محتاجها فركبولوا في العيادة التانية”.

وأنهت حديثها قائلة: “انتوا متخيلين هو اتعذب قد إيه لا بياكل ولا بيشرب التانية حرارتها 41 وحالتها خطر وبرده ما بتاكلش وما بتشربش، من 3 أسابيع وأنا عايشة الكابوس ده ماكنتش عايزة أكتب ولا أحكي لحد بس لازم الناس تاخد بالها كويس قبل ما تودى حيواناتها لأي عيادة”.

يذكر أن أخر أعمال عائشة بن أحمد الفنية كانت بمسلسل “مذكرات زوج” بطولة النجم طارق لطفي والذي عرض بموسم دراما رمضان الماضي وحقق نجاحاً جماهيرياً كبيراً.