عمرو أديب عن بيع شركة كهرباء “سيمنز”: “ياترى الشركة هتبيع الكهرباء للدولة ولا للمواطنين؟!”

01:26 ص


السبت 10 يونيو 2023

كتب – معتز عباس:

عقب الإعلامي عمرو أديب، على ما ذكرته شبكة بلومبرج حول وجود تحالف بريطاني ماليزي يخطط لشراء محطة كهرباء مصرية “سيمنس” مقابل 2 مليار دولار.

وقال “أديب”، في برنامجه “الحكاية”، المذاع عبر فضائية “ام بي سي مصر 2″، قائلًا: “لإي حد باع مصنع لبن هقولك ايوة كان اسمه كذا بقى اسمه كذا واتغير اللوجو وشكل العلبة دا في المنتجات ولكن في الخدمات لما تبيع محطة كهرباء دي هتتعامل مع الجمهور ازاي”.

وأضاف: “محطة بني سويف للكهرباء بتولد كهرباء داخلة على الشبكة العامة، ايو هو طبيعة شكل التعاقد مش هتبقى ملك للدولة وهتبقى ملك شركة بريطانية ماليزية هي هتبيع للدولة كهرباء ولا هتبيع كهرباء للمواطنين اية الشكل، في بريطانيا في 4 شركات كهرباء تقدر تشترك معاهم”.

وأكمل: “شركة الكهرباء من أكبر الأصول اللي ممكن تتباع عن طريق الدولة، والدولة قد تعهدت ببيع 32 شركة في الفترة القادمة وكان في جزء المفروض لآخر يونيو كلام عن انه مرة أخرى سيتم بيع حصة الدولة في شركة فودافون هيتم ولا، لأن مش بناخد هذه الأمور إنها نهائية لازم نسمع الأول، الدولة عايزة تبيع بسعر عادل، وأنا مهتم بهذا الامر عشان يبقى عندك دخل دولاري وسعر الدولار يتحسن”.