03:10 م
الأحد 11 يونيو 2023
علقت الفنانة سارة نخلة، على الجدل الذي أثير بسبب حديثها عن المساكنة مع الفنانة بسنت النبراوي، الأسبوع الماضي، مما عرضهن لانتقادات لاذعة على مواقع التواصل الاجتماعي.
وردت سارة نخلة من خلال برنامجها “Face off” الذي تقدمه على شاشة “هي”، على هجوم إعلامية شهيرة عليهن بسبب تناول المساكنة في الحلقة، قائلة: حصل قلق بسبب حلقة الأسبوع اللي فات، رغم إننا أخدنا رأي الدين وتوصلنا في نهاية الحلقة إن المساكنة حرام، والمجتمع بيرفضها والعادات والتقاليد.
وأضافت سارة نخلة: ولكن في سيدة فاضلة طلعت عايزة تهاجم من غير ما تشوف الحلقة ولا أي حاجة من غير ما تفهم كنا بنتكلم في إيه، قررت تدخل تهاجم وبس، واحنا مش أول ناس تهاجمنا، وأنا على دماغي النقد البناء، ولكن كان لازم تردي بأدب واحترام، ولكن كنتي بتناقضي نفسك وأنتِ بتكلميني، طلعتي قولتي يعني إيه بتتناولوا حوار المساكنة كدا عادي، أنا مصحتش من النوم قررت أتكلم عن المساكنة، وعلى الرغم في فنان مصري طلع قال أنا عملت المساكنة ليه مهاجمتيش الفنان ده أو خفتي على الأطفال اللي بيتفرجوا عليه.
وتابعت سارة نخلة: الناس افتكرت إن في حاجة شخصية بيني وبين حضرتك ولكن مافيش سابق معرفة بينا وبين بعض ويمكن اللي بتقدميه مش من اهتمامي يعني البازار والهدوم هكذا، ومش فاهمة طريقة ردك يعني إيه تقولي متضايقة من لفظ المساكنة عشان خوفًا على تساؤلات الأطفال ولكن قولتي في نفس الفيديو لفظ دعارة عادي؟ على الأقل لو ابني سألني هقوله ده حرام وهكذا، ولكن قولتي دعارة يعني إزاي أقول لطفل دعارة؟.
