05:37 م
الإثنين 14 أغسطس 2023
كتبت- شهد القاضي:
كشف الفنان مصطفى قمر عن رأيه في أغاني المهرجانات.
وقال خلال حواره مع الإعلامية سهير جودة عبر صفحتها بموقع التواصل الاجتماعي “فيسبوك”: “المهرجانات زيها زي أي فن بيطلع، الناس استقبلته بأخطائه الموسيقية، وأخطائه في الكلام وركاكة بعض الكلمات، ومش عايز أقول الكلمة دي بس مضطر في بعض الكلمات (بذيئة)، ابتدى الموضوع يتنقى شوية، بس كمدرسة موسيقية هي فيها كمية فن قد كده، وحاجات كتير مش مظبوطة”.
وأضاف: “بس خلاص هم نجحوا، فلما يبدأوا بقى يظبطوا اللحن ويظبطوا الكلمة، شوية شوية هتلاقيهم رجعوا للأساس، اللي هو بقى محمد رشدي، العزبي، أحمد عدوية”.
واستكمل: “أنا مش ضد أي نوع من أنواع الفن، طالما مكلمتنيش بكلام بذيء أو كلام خارج”.
وينتظر قمر، عرض فيلم “أولاد حريم كريم”، 30 أغسطس الجاري بدور العرض السينمائي، ويشاركه البطولة بشرى، داليا البحيري، علا غانم، بسمة، خالد سرحان، عمرو عبدالجليل، تيام مصطفى قمر، رنا رئيس، وهنا داود وعدد من الوجوه الجديدة، وتأليف زينب عزيز وإخراج علي إدريس، ومن إنتاج شركة انتلجنت (iproductions) وتوزيع خارجي روتانا.
