“المواطن محتاج طبطبة”.. أحمد موسى يوجه رسالة لنواب البرلمان: “أمامكم مسؤولية تاريخية غدًا”

08:41 م


السبت 27 مايو 2023

كتب- محمد أبوالمجد:

وجه الإعلامي أحمد موسى، رسالة للمستشار حنفي جبالي رئيس مجلس النواب وأعضاء مجلس النواب، قبل مناقشة مجلس النواب قانون ضريبة الدمغة ورسم تنمية الدولة والمسارح والملاهي، قائلًا: “المواطن محتاج نطبطب عليه، والسائح لازم نقابله لما يجي مش نقوله هندفعك 50 جنيه وأنت ماشي عشان ميجيش تاني”.

وقال “موسى” خلال تقديمه لبرنامجه “على مسئوليتي” على فضائية “صدى البلد” اليوم السبت: “مع تقديري الحكومة الوقت الحالي ليس الوقت المثالي لزيادة الأسعار، ومعانا لحد ديسمبر أو حاجة لحد ما تخلص السنة دي وتيجي 2024 بكل خير ونفكر، وقتها نعمل ايه ونكون عدينا شوية الصعوبات اللي إحنا فيها ونعدي السنة دي”.

وتابع: “عندنا بنود أخرى بدل ما نزود عليه سعر ، وبقول للنواب عندكم مسؤولية أمام الشعب مش قدام أي حد، كفاية زيادات الفترة دي وضغط على المواطن بتحملوا المواطن حاجات تاني وهو مش قادر حتى لو الزيادة 4 جنيه أو جنيه واحد”، وأناشد أعضاء مجلس النواب أمامكم مسؤولية تاريخية أمام الشعب غدًا”.

وأكد: “أن الرئيس السيسي دائمًا مع الناس ولا يمكن أبدًا ولا يمكن أبدًا يجي في أي وقت ضد مصلحة الناس، ومبقاش في حاجة اسمها رفاهية زي زمان”.

وأردف: “بتكلم بضمير كل واحد فينا كلنا مع البلد ومفيش حد ضد البلد، ونتحدث بلسان المواطن لأنها مصلحة مصر وهذا الشعب وكل نائب بكره لازم وقفة”، موضحًا: “النهارده في مصر مبقاش في طبقة متوسطة يا عندنا مجموعة عددهم قليل يطلق عليهم الأغنياء والباقي بقى عنده مشكلة كبيرة، والأسعار ضربت كل البيوت من أول للأخر”.