02:58 م
الأربعاء 24 يناير 2024
كتب- محمد عبدالناصر:
قال الرئيس عبدالفتاح السيسي، إن مصر فقدت 450 مليار دولار في أحداث 2011 و2012 و2013.
وأضاف: “كنت بتكلم من شوية قبل ما ادخل مع الضيوف بقولهم انتوا عارفين يعنى إيه نخسر أكتر من 450 مليار دولار فى أحداث 2011 و2012 و2013، عارفين يعنى إيه نواجه الإرهاب ونتكلف أكتر من 120 مليار جنيه، هى الأمور دي إحنا دولة مش غنية ولا وحاجة مواردنا متستحملش صدمات زي دي ودولتنا متستحملش صدمات لأن معندناش موارد تهدر بالطريقة دي”.
أوضح الرئيس السيسي، خلال احتفالية عيد الشرطة الـ 72: “لكن مكنش فيه خيار تاني لينا في مواجهة الإرهاب اللي قعدنا نخوض فيه 10 سنوات مكنش فيه سبيل إلا إحنا نواجهه وإلا البلد مكنتش تبقى مستقرة أبدا وكمان يبقى فيه اعتداء هنا وتخريب في المحافظة دي زي ما كمان بيحصل قبل كده، لكن ده بفضل الله تحقق بإيه؟ تحقق بتضحيات.
وتابع الرئيس: “شوفوا إحنا عندنا أزمة واحدة في الاقتصاد ويمكن استغل الفرصة إن احنا في الحوار الوطنى اللي أطلقناه من سنتين كان فرصة كويسة قوي إن احنا نتكلم في مواضيع كتيرة جدا سياسية واقتصادية واجتماعية وأمنية”.
وأكد أنه سيتم إطلاق حوار وطني آخر.
