أحمد العطار يتحدث عن مقدمي أغاني المهرجانات: “عيال غلابة ومجتهدة والعيب مش عليهم”
10:34 م
الإثنين 06 مايو 2024
كتب- مروان الطيب:
يعود الفنان أحمد العطار للساحة الغنائية بعد غياب سنوات، واشتهر “العطار” بتقديم عدد من الأغاني بفترة الألفينات وكانت أشهرها أغنية “عندي بالدنيا” التي طرحها على طريقة الفيديو كليب وكانت سببًا في شهرة واسعة له في مصر والوطن العربي.
وتحدث “العطار” عن رأيه في أغاني ومطربي المهرجانات وانتشارها خلال السنوات الماضية، وعن محاولته تقديم فن هادف ومحتوى يليق بجمهوره، وأن المهرجانات أصبح لها شعبية جارفة في الشارع المصري وكانت مواقع التواصل الاجتماعي، حسب رأيه، السبب الرئيسي في نجاح هذه النوعية من الأغاني.
وعن أغاني المهرجانات قال “العطار”: “العيب مش عليهم والعيال دي مجتهدة وعيال غلابة وليهم حق بس مينفعش 80% من الشعب المصري يسمع النوعية دي، والسوشيال ميديا بقى كله شياطين ومتفرقش معاهم مصر باللي بيسمعوه الناس والموضوع فيه كارثة”.
واستكمل: “وأنا الفترة الجاية هاخد معايا الناس اللي بتغني بجد وفنانين، وهخلي مطربين المهرجانات موجودين بس مش 80% هيبقوا 10 أو 15%، ومتخليش بنتي غصب عنها تسمعك، واللي داخل الفن عشان يكسب فلوس عمره ما هيستمر وقاعدين في بيتهم وبيصرفوا في الفلوس اللي معاهم، الوحيد اللي بيفكر في فن بجد وبيستغل كل إمكانياته هو عمرو دياب عشان بيفكر في كل حاجة ربنا مديهاله وربنا مديله صوت وروح وشكل حلو وهو ذكي”.
أحمد العطار هو نجل الفنان الكبير الراحل ماهر العطار، ونجح في تحقيق شهرة واسعة في بداياته قبل أن يبتعد لفترة طويلة عن الساحة الغنائية.
اقرأ أيضا:
“بأخذ إبرة كل 3 أشهر”.. محمد عبده يكشف حالته الصحية بعد إصابته بالسرطان
بعد القبض عليه.. أول تعليق من منظم حفل عصام صاصا في شم النسيم
