كيف علق الجمهور على تصريح رامي صبري عن تامر عاشور: تستحق تكون معايا على مسرح واحد

04:54 م


الأحد 18 يونيو 2023

كتبت- منال الجيوشي:

جدل كبير أثاره الفنان رامي صبري بعد رده الذي وصفه الجمهور بـ “المستفز” على الفنان تامر عاشور.

المطرب تامر عاشور رد على سؤال وجهته له الإعلامية أسما إبراهيم عن سبب حصول رامي صبري أجر أعلى من “عاشور” في حفلهما بالكويت، قائلا: “أنا معرفش هو أخذ كام ولكن حتى لو رامي طلب أكتر مني بعشر مرات فهو يستحق، ولكن هي مش بالسعر، هي باختيار الأغاني والجمهور”.

بعدها كتب رامي صبري عبر خاصية “الاستوري” بموقع إنستجرام: “شكرا يا تمورا على كلامك عني، ودايما لما بيكلموني إني أعمل حفلة وأني أختار حد معايا في أي حفل خارج أو داخل مصر بختارك أنت أول واحد لأنك فنان وموهوب جدا جدا، وتستحق إنك تكون معايا في حفل واحد وعلى مسرح واحد وجنبي في دعايا الحفل كمان”.

الجمهور انتقد تعليق “رامي”، وجاءت التعليقات على النحو التالي: “ماتنساش نفسك يا رامي.. تامر معديك بمراحل أصلا”، و”في إيه يا رامي إنت فاكر نفسك عمرو دياب ولا إيه”، “تصريح مستفز بصراحة”

بينما علق الملحن هيثم شراقي: “عمري ما حبيته سبحان الله والوحيد اللي ضربتله أوردر أول يوم كان ينزل فيه شغل ما روحتش حسيته كوبي عمرو دياب مافيش شخصية”.