06:47 م
الجمعة 08 سبتمبر 2023
كتب- مروان الطيب:
نشرت ريم طارق طليقة مؤدي المهرجانات حسن شاكوش، مقطع فيديو جديد عبر حسابها الرسمي على “انستجرام” وقامت خلاله بالكشف عن انهاء الخلافات بينهما.
وعلقت “ريم” بالفيديو قائلة: “أنا عاملة الفيديو ده انهاردة عشان أقول إن أنا اخدت حاجتي كلها كل حقوقي الشرعية خدتها من حسن والحمد لله إني طلعت شخص كويس وهو كمان شخص كويس وراجل محترم وكل اللي حصل ده كان سوء تفاهم بسبب تدخل أكتر من طرف”.
واستكملت: “وأي حد سيرته جت في الموضوع سواء من أهلي أو أهله مامتي أو بابايا أو مامته ربنا يديها الصحة حقكم على راسي وكل اللي حصل ده كان سوء تفاهم وكل شيء قسمة ونصيب”.
كما قامت “ريم” بكتابة منشور على الفيديو وتضمن: “اللهم لك الحمد الموضوع خلص على خير وده الي كنت بتمناه من البداية خراب البيوت وحش ومش ترند ده أبغض الحلال عند الله الطلاق، واجتنبوا كثيرًا من الظن إن بعض الظن إثم، ربنا ما يكتب على أي حد التشتيت أو تفريق القلوب ربنا يكتب لنا الخير ويعوضنا في اللي جاي ويبعد عنكم جميعًا خراب وهدم البيوت”.
وتحدثت “ريم” خلال بث مباشر عبر حسابها على “انستجرام” خلال الساعات القليلة الماضية عن تفاصيل الأزمة بينها وبين طليقها “حسن شاكوش” وعن تدخل وسطاء لحل الخلاف.
وقالت “ريم”: “عم حسن شاكوش اتدخل بينا وقالي لما تاخدي حقك هتطلعي تقولي أخذت حاجتي من الإنسان المحترم، والاتفاق بينا نعمل أنا وحسن كل واحد فيديو وأنا بس اللي عملت ولسه الاتفاق مخلصش”.
وعن مشاكلها مع طليقها علقت: “الحمد لله المشاكل خلصت إلى حد ما يعني، وهو محترم عشان أداني حاجتي اللي في البيت لأني مكنتش عارفة اخد حاجتي، وحافظ على حاجاتي لمدة 5 شهور عنده في البيت، وأنا اللي كان حقي مسلوب والحمد لله إني خدتها، لإن دي كانت أكتر حاجة وجعاني مش الماديات”.
وكان تبادل حسن شاوكوش وريم طارق الاتهامات عبر مواقع التواصل الاجتماعي قبل إعلان طلاقمهما رسميا.
