عايدة غنيم : “كنت فاكرة إني هعمل بطولات زي غادة عبد الرازق وسمية الخشاب”

11:14 م


الخميس 20 يوليه 2023

تحدثت الفنانة عايدة غنيم التي قامت بشخصية “سعدية” إبنة “بطة” غادة عبد الرازق في أحداث مسلسل “عائلة الحاج متولي” عن شخصيتها به.

وقالت خلال لقائها ببرنامج كلام الناس مع الإعلامية ياسمين عز المذاع عبر قناة MBC مصر: ” أستاذة عايدة رياض قالتلي وقتها إن هم كانوا بيدوروا على حد يعمل دور بنت أستاذ نور الشريف وأنا كان في دماغي إن ده دور محوري وإنها حاجة أساسية واتفاجئت أول ما أستاذ محمد النقلي شافني قال هي فيها من بطة ونعمة الله وأنا مكنتش قريت ومعرفش مين الشخصيات بس لقيته بيقول إديها دور سعدية فجه في بالي أول ما سمعت سعدية دي افتكرت إني هبقى الشغالة مثلا وزعلت جدا لدرجة إني عيطت”.

وأضافت: “وكلمت أستاذة عايدة قالتلي أي حاجة في رمضان ومع أستاذ نور الشريف لو مشهد اطلعي وهتتشافي طالما إنتي عايزة تمثلي و عملته .. واتفاجئت داخلين عليا بيدولي 30 حلقة ودور كبير مش مشهد ولا مشهدين”.

وعن اعتذارها عن مسلسل “العطار والسبع بنات” قالت: ” أنا مكنتش فاضية في الوقت ده كنت بروح وباجي ومكنتش حساه دور كبير بس أنا حسبتها غلط عشان كنت ماشية بدماغي مكانش في حد بيوجهني وكنت فاكرة إني بعد الحاج متولي هعمل بطولات بقى زي مثلا ماشاء الله غادة عبد الرازق وسمية الخشاب فكنت متوقعة إن أنا كمان هكون كده .. ده كان غباء مني”.

مسلسل “عائلة الحاج متولي” عُرض عام 2001، وهو من بطولة نور الشريف ، ماجدة زكي، غادة عبد الرازق، سمية الخشاب ونخبة من النجوم، ومن تأليف مصطفى محرم وإخراج محمد النقلي.