10:00 م
الثلاثاء 18 يوليو 2023
كتبت- بهيرة فودة:
تحدث الفنان أحمد فهيم عن علاقته بخاله الفنان الراحل خالد صالح، وعن المهن التي احترفها قبل أن يصبح ممثل
وقال فهيم خلال لقائه مع المذيعة نورهان عبدالفتاح في برنامج “زووم ونص”، المذاع عبر شاشة قناة “هي”: المرحوم خالد صالح كان خالي وأخويا الكبير وصاحبي وكل حاجة في حياتي، واشتغلت معاه 15 سنة بداية من خلال أفلام “خلي الدماغ صاحي والنعامة والطاووس وميدو مشاكل، وهي فوضى”.
وتابع: رحلة كبيرة اتعلمت منه كل حاجة، مش في التمثيل بس في الحياة كمان، لو فيا حاجة حلوة تبقى من المرحوم خالد صالح”.
وأضاف: “لما قولتله إني عايز أمثل قاللي مفيش حاجة اسمها عايز تمثل، ينفع تقول أنا عايز أبقى دكتور أو محامي؟ التمثيل مهنة زيها زي الدكتور والمحامي لازم تتعلم الأول وبعدين تقول أنا عايز أمثل، اتعلم الأول واتمكن من أدواتك وبعدين نقول إنك ينفع تمثل، وبالفعل فضلت 10 سنين بتعلم وبتفرج، يارب أكون اتعلمت وأكون قادر أقدم للناس حاجة تليق بيهم”.
وتابع: “أنا اشتغلت في محل حلويات، اشتغلت مندوب مبيعات، وفي معرض عربيات، بس ولا حاجة اشتغلتها وكنت ناوي أكمل فيها، أنا كنت ناوي أبقى ممثل ومستني الفرصة، وكل اللي كنت بشتغله كنت بتعلم منه اللي فادني في التمثيل”.
وشارك أحمد فهيم في موسم دراما رمضان الماضي بمسلسلات: “جعفر العمدة”، و”عملة نادرة”
