11:58 ص
الأحد 29 أكتوبر 2023
كتب-محمد قادوس:
تلقي الشيخ عويضة عثمان، أمين الفتوى بدار الإفتاء المصرية، سؤالًا من متابعة تقول،” ابويا متوفي من 10 سنين، وأخويا لم يورثني في حق أبويا لغاية دلوقتي، وهو غير بار بأمي، فهل لو خدت أي حاجة من وراه وأعطيتها لأمي، يبقى حرام عليا؟
في رده، قال أمين الفتوى إن ما يفعله هذا الأخ حرام، عبر حبس الميراث وتأجيله ،والاستحواذ عليه والانتفاع بنتاجه لنفسه.
وأضاف عثمان خلال حلقة برنامج” فتاوى الناس”، المذاع على فضائية” الناس”: هذا الأخ يأكل حرام ليل نهار، مشيرًا إلي هذا الأمر وقال ده بيحصل كتير الأرض تفضل تحت حوزته يربي ويعلم ولاده، ويقول لأخواته البنات لسه مش هنقسم دلوقتي، ويكتفي إنه يرسل كل موسم شوية خضار من الأرض، هو ده الميراث.
وأوضح أمين الفتوى كل إنسان تحت يده ميراث إخوته سارع بتوزيعه وخلص رقبتك من جنهم، وإلا ستحاسب، وزع كل حاجة لأصحابها هما حرين… حبس الميراث لكي تنتفع أنت منه حرام.
وأكد عثمان أن ما تفعله هذه الأخت من أخذ المال وإعطائه لوالدتها حلال، لأن هذا حقها.
