05:58 م
الخميس 31 أغسطس 2023
كتب-محمد قادوس:
قال الدكتور هاني تمام، أستاذ الفقه بجامعة الأزهر، إن كثرة الإنجاب تتحول إلى كارثة، ومقولة العيال عزوة بتتحول لنقمة، مضيفا: “كل أب لابد أن يراعى قدراته المالية والصحية والاجتماعية، فى عدد الاطفال التى يريد إنجابهم.
وأضاف تمام، خلال حواره ببرنامج “البيت”، المذاع على فضائية “الناس”: العيال عزوة ليس فى الدنيا، وإنما فى الآخرة هتبقى عزوتك الحقيقية لما تربيهم صح ويكونوا نافعين لدين ربنا، العبرة مش أجيب عيال ولا أعرف اربيهم وأقول العيال عزوة، ومش عارف أراعيهم صحيا ولا اجتماعيا ولا ماليا.
وأوضح أستاذ الفقه: لما تنجب عيال أكثر من طاقتك وقدراتك، فأنت كده بتظلم ولادك، لازم تراعى قدراتك الصحية والنفسية والاججتماعية، العيل ممكن يكون نقمة عليك ممكن يكرهك اليوم اللى خلفته فيه، ويتحول لعدو لك، لما لا تحسن تربيته ولم تراعى ربنا فيه.
