ريهام حجاج عن انتقادات صدفة: “ربنا سبحانه وتعالى مش كل الناس اتفقت عليه”

01:45 م


الثلاثاء 16 أبريل 2024

كتبت- نوران أسامة:

تحدثت الفنانة ريهام حجاج عن شخصيتها في مسلسل “صدفة” الذي عُرض في الموسم الرمضاني السابق 2024، وذلك خلال مداخلتها مع الإعلامية لبنى عسل، ببرنامج “الحياة اليوم”.

وردت ريهام على الهجوم من البعض على مسلسلها الرمضاني صدفه: “ربنا سبحانه وتعالى مش كل الناس اتفقت عليه، فمش كل الناس صح ومش كل الناس نظرتها للأمور زي بعض”.

وقالت ريهام: “مبسوطة بحالة الجدل الكتيرة دي، لأنه صدفة شخصية مش هتقابلها كل يوم، وعندنا رسالة عايزين نوصلها للناس إن صدفة شخص غير سوي بسبب نشأتها، وإحنا كنا عايزين نقول للناس مترموش عيالكم، لأن لما ترموا عيالكم يا هيطلع طفل عنده اضطراب نفسي زي صدفة يا حد مش طبيعي، وواحد مبيعرفش يفكر كويس، وديمًا أفعاله غلط ومش بيعرف يحل المشاكل، ومعندوش توازن حتى في لغة الجسد والكلام”.

وتابعت: “وكان فيه رسالة مهمة برضه أن أنت مينفعش تختار تربي مين ومتربيش مين من أولادك، فكنا عايزين نقدم رسالة للناس أنه نربي ولادنا”.

وأضافت قائلة: “أنا مخفتش من الدور وتحمست جدًا ليه، وكنت مبسوطة أوي، ومستمتعة وأنا بمثل، وفي خلاف من بعض المدرسين، وأنا حابة أقول حاجة، أنه إحنا مبنقدمش مهنة، إحنا بنقدم بني آدم لحم ودم، ومالهوش علاقة بـ المهنة”.

مسلسل “صدفة” بطولة ريهام حجاج، وخالد الصاوي وسلوى خطاب ورشدي الشامي ورحاب الجمل، وميار الغيطي ورباب ممتاز وفراس سعيد وعصام السقا ونور إيهاب وتأليف أيمن سلامة، وإخراج سامح عبد العزيز

اقرأ ايضًا:

هنا الزاهد تكشف سبب عدم خضوعها لعملية تجميل في أسنانها

جمال عبدالناصر يهنئ نادي الزمالك بفوزه على النادي الأهلي في مباراة القمة