بسبب مكالمته المُسربة.. علاء مرسي: “اللي سربها بقي ملياردير وعايش في دبي دلوقتي”
11:58 م
الخميس 03 أغسطس 2023
كتب- مروان الطيب:
حل الفنان علاء مرسي ضيفاً على البرنامج الإذاعي “أسرار النجوم” تقديم الإعلامية إنجي علي ويذاع على راديو “نجوم إف إم”، وتطرق خلال الحلقة للحديث عن عودته للتعاون مع نجم الكوميديا محمد هنيدي بفيلم “مرعي البريمو” بعد غياب سنوات، وعن علاقته بنجوم الوسط الفني، إلى جانب مشاريعه الفنية خلال الفترة المقبلة.
وتحدث “مرسي” عن مكالمته الشهيرة المُسربة من خدمة عملاء أحد البنوك والتي لاقت رواجاً كبيراً بين رواد مواقع التواصل الاجتماعي، قائلاً “أنا متعمدتش التريند ولكن هو صادف في توقيت معين أنا قلت اللي ممكن يبقى عند الناس وتقريباً لمست شريحة كبيرة، والفيديو انتشر لدرجة ان كان بيطلب مني وبستفز عشان أعمل فيديو زيه”.
واستكمل “وبقيت أقول أنا عايز أنسى اللحظة دي وان هي تعمل الصدى ده قولت لنفسي ده أنا بيحصلي ده في دور بالعافية وكان ليا مشاهد في أفلام عملت تريند لكن ده اختلف وعداهم وقلت لنفسي لو كنت اتكلمت بنفس طريقة المكالمة في دور في فيلم مثلاً بالصراحة والجرأة دي كانت عملت حالة مختلفة خالص”.
مضيفاً “المكالمة مفرقتش معايا والشاب اللي سربها تقريباً دلوقتي بقي ملياردير لأنه سربها من خلال قناة يوتيوب واستقال من المكان على فكرة مشي، وعرفت أنه عايش في دبي وهو شاطر في التكنولوجيا ومن سنتين جالي تليفون منه وقعدنا نضحك وقلت له اني كنت السبب أن ربنا كرمك بس ده كان على حسابي وقالي المشكلة مكنتش أنت والمكالمة اتسربت غصب عني”.
يُعرض للفنان علاء مرسي حاليا فيلم مرعي البريمو بطولة النجم محمد هنيدي، إخراج سعيد حامد، ويشارك في البطولة: غادة عادل، أحمد بدير، محمد محمود، لطفي لبيب، نانسي صلاح.
