عمري ما عملت تجميل وريهام حجاج مش محتاجة حد يدافع عنها.. أبرز تصريحات عبير صبري

11:09 م


الخميس 13 يوليه 2023

كتب- مصراوي:

حلت الفنانة عبير صبري ضيفة على برنامج تفاعلكم المعروض عبر قناة العربية، وتحدثت عن علاقتها بزوجها وعن أحب الأدوار إليها، ومن أبرز تصريحاتها:

– مسلسل جميلة السنة دي هو أحلى دور ليا.

– معنديش أخطاء لأن كل خطأ بتعلم منه فمبيعتبرش خطأ بس أكيد عندي حاجات في حياتي أندم عليها ولو فيه فرصة مكررهاش.

– أنا نجمة وبطلة وعندي جمهور وساعات اسمي بيتكتب أول اسم وساعات تاني اسم.

– أنا زعلت إن أنا قلعت الحجاب وفي يوم من الأيام يمكن ربنا يكتبلي تاني إني البسه.

– أؤمن بالصداقة بين الرجل والمرأة.

– حلم من أحلامي أمثل مع آلباتشينو بس ده هيتحقق في الجنة إن شاء الله.

– بحب دوري في فيلم عصافير النيل ومسلسل جميلة وستات قادرة والطوفان.

– فيه صور أكيد بيكون فيها فوتوشوب وتعديلات المصور اللي بيعملها.. وفيه صور تانية كتير بتصورها بدون مكياج وبشكلي العادي.

– أنا مش بدافع عن ريهام حجاج هي مش محتاجة حد يدافع عنها هي جميلة وأنا بحبها وبننجح مع بعض.

– نفسي اشتغل جدا مع أستاذ داوود عبدالسيد دي أمنية وحلم كبير بالنسبالي.

– أنا زعلت من اللي أصالة قالته ومصر كلها زعلت كأنها بتقول إن مصر مقدمتلهاش حاجة وأنا كتبت بوست مهذب قولت فيه وجهة نظري وخلاص.

– أنا عندي عيوب بس مع جوزي أنا معنديش عيوب وحنينة معاه جدا.

– عمري ما عملت أي عملية تجميل.

– أنا لا أتباهى بأي شئ إلا بموهبتي.

وشاركت عبير صبري في مسلسل “جميلة” الذي عرض خلال السباق الدرامي لرمضان 2023.