05:00 م
الإثنين 03 يوليو 2023
كشف الفنان محمود العسيلي، عن سبب زواجه 3 مرات في حياته حتى الآن.
وقال العسيلي، ببرنامج Gossips: “أنا عندي مبدأ في الحياة إنك لازم تعيش سعيد.. أي حاجة هتخليك مش سعيد حتى لو المجتمع بيفرض عليك حاجات معينة لازم تتمرد عليها، لأن في الآخر هيجيلك السكر أو الضغط أو القلب”.
وتابع: “كفاية أصلا ضغط الحياة اللي احنا عايشينه يبقى لازم على الأقل الجزء المهم في حياتك اللي هو مع الشريك تكون مبسوط وسعيد .. عشان كده أنا اتجوزت 3 مرات بس موضوع إن القلب يحب مرة ده مش صح، القلب ممكن يحب كتير وممكن يفضل يحب على طول”.
محمود العسيلي، ينتظر طرح أغنية جديدة ضمن حملة إعلانية لإحدى شركات المواد الغذائية بالتزامن مع فصل الصيف، وذلك في مؤتمر صحفي شهد توقيع العقد بين الطرفين أقيم في 18 يونيو الماضي بأحد الفنادق الكبرى.
يذكر أن، محمود العسيلي طرح مؤخرا أغنية “سمع هس” وهي الأغنية الدعائية لفيلم “بيت الروبي”، وغناها مع كريم عبد العزيز وكريم محمود عبد العزيز. هنا
