بالفيديو.. داعية: زميلة العمل أجنبية عن زميلها والتعامل معها يكون بمشاعر الجدية والالتزام

01:00 م


الثلاثاء 06 يونيو 2023

كتب- محمد قادوس:

قال الدكتور أسامة قابيل، الداعية الإسلامي، إن العمل إطار مقدس، لأن الله سبحانه وتعالى مطلع على كل عامل وموظف ويراقبه، مستشهدا فى قوله تعالى: “وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ”.

وأضاف قابيل، خلال حواره مع الإعلامية إيمان رياض، ببرنامج “من القلب للقلب”، المذاع على فضائية “mbc masr2″: أنا رايح شغلى النهارده بنية إيه، ربنا شايفنى، (سيرى الله)، رايح بنية الكروته ولا التنفيض، وكسول وعندى لا مبالاة، ومش عاوز اتعاون واشتغل، فكرة العقد المبرم الموجود بينك وبين المؤسسة اللى أنت شغال فيها، ده مبرم بينك وبين ربنا الأول، ربنا مطلع عليك وشايفك وهيحاسبك على عملك ده، رايح وأنت صادق وكاتم للأسرار ومخلص فى عملك، وتعمل فى إطار الأخلاق ومراقبة الله لك”.

وأوضح الداعية، بأنه لا يوجد شركة مفيهاش تعاون بين زميل وزميلة بيعملوا مع بعض، إذن لا يوجد تمييز بين الراجل والست، فى إطار عام اسمه الاحترام والتعاون، فلازم تعرف إن زميلتك فى الشغل أجنبية عنك، لازم وأنت فى شغلك تفرق بين مشاعر الأسرة، بين والدك ووالدتك وزوجتك وأبنائك، وبين مشاعر الزمالة للزملاء والزميلات فى العمل، التى تخضع للجدية والالتزام وروح العمل الواحد، لازم تعرف إن زميلتك أجنبية عنك، فلما تكون مدير عمل وعندك موظفة جديدة لازم تعطى أوردر لك الناس تساعدها فى العمل ويعلموها ويخلوها تنجح فى عملها، لما تعمل كده هتفرحها وبالتالى هتأخذ أجر وثواب من ععند الله، ما دام كل ده فى إطار أخلاقى يراعى فيه الله”.